Украина дрони Бухоро-Москва рейсига урилиб кетиши оз қолгани ҳақидаги хабар рад қилинди
Бугун, 10 ноябрь куни Mash телеграм канали Украина учувчисиз учоқлари Москва осмонида Ўзбекистондан Шереметевога учаётган «Аэрофлот» авиакомпаниясига тегишли Airbus A320 самолётини уриб туширишга сал қолгани ҳақидаги хабарни тарқатди.
«Самолёт маҳаллий вақт билан 9:37 да қўнишни амалга ошириши керак эди. Учувчи сўнгги лаҳзада радарларда дронни пайқаб қолган ва учувчисиз учоқ билан тўқнашиб кетишига оз қолган. Самолёт Шереметевога қўнди, шундан сўнг қолган 8 та самолёт муқобил аэродромларга йўналтирилди», – деб ёзганди Mash телеграм канали.
Бир муддат ўтиб, «Аэрофлот» авиакомпанияси юқоридаги хабарни рад этиб, авиакомпаниянинг SU1877 Бухоро - Москва рейси 10 ноябрь куни режали қўнишни якунлаганини маълум қилди.
«Самолёт қўмондони номаълум учоқлар аниқлангани ҳақида хабар бермади ва улар радарларда ҳам кўринмади», – дея қўшимча қилади авиакомпания ўз муносабатида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter