Зилзилада омон қолган оила ёнғинда ҳалок бўлди
Ғозиантеп (Туркия)даги зилзилада омон қолган етти нафар суриялик, улар Кўняга кўчиб ўтганидан сўнг, ёнғин оқибатида ҳалок бўлди. Икки киши жароҳат олган, улар шифохонага етказилди.
Haberler ёзишича, ёнғин суриялик икки оила ижарага олган хусусий уйда чиққан. Олов кучайиб, уйнинг томи босиб қолган. Ҳалок бўлган етти суриялик — бир оиланинг аъзолари.
Бахтсиз ҳодиса жойида махсус хизматлар иш олиб боряпти.
Кеча оқшом Ҳатай (Туркия)да 5,1 магнитудали зилзила рўй берди. Дастлабки маълумотларга кўра, 6 февралдаги кучли зилзила оқибатида шикастланган айрим уйлар қулаб тушган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter