Дизайнер Хенрик Фискер АҚШда бўлиб ўтаётган кўргазмада алюминий ва карбондан ишланган, эшиклари эса «капалак қанотлари» каби очилувчи электромобилни тақдим этди, деб хабар берди «NV.ua».

«Балки бошқа стартаплар каби ишни йўлтанламасдан бошлаш керак дерсиз. Балки эшикларини оддий қилиш керакмиди? Бироқ биз ноёб эшикларни яратдик. Биз ўз брендимиз қанақа эканлигини кўрсатиб қўйиш учун ноанъанавий нарса яратишни истадик. Биз нонконформчи бўлишни хоҳладик», — дейди Хенрик Фискер.

Электромобил 143 кВт/соат сиғимли аккумулятор билан жиҳозланган бўлиб, бунинг ёрдамида у 650 километр масофани босиб ўта олади. «Fisker Emotion»нинг серияли моделлари тезда қувватланиш функциясига эга бўлади. Бу эса 200 километрлик йўлни босиб ўтишга етадиган қувватни 9 дақиқа ичида олишга ёрдам беради.

Электромобил салони мутлақ рақамли панеллар қурилмасидан, шунингдек, иккита маълумот-кўнгилочар дисплей комплексидан иборат. Қўшимча пул тўлаш орқали орқа ўриндиқда ўтирувчилар учун яна бир 27 дюймли мониторни ҳам ўрнатиш мумкин.

Журналистларнинг таъкидлашича, автомобилнинг дизайни Фискер бунга қадар «BMW Z8» ва «Aston Martin V8 Vantage»ни яратганини билдириб туради. Шу билан бирга дизайнернинг иши бошқа электрокар яратувчиларникидан фарқ қилади.

«Fisker Emotion» 2019 йилдан бошлаб сотувга чиқади. Янги электромобилнинг базали талқини нархи 129,9 минг доллар бўлиши кутилмоқда.