Ортиқхўжаев бугун аэропортда тўхтатиб қолинган — манба
Собиқ ҳоким Жаҳонгир Ортиқхўжаев бугун эрталаб оиласи билан шаҳардан учиб кетмоқчи бўлганида ДХХ томонидан тўхтатиб қолинган.
Бу ҳақда «Эффект Макаренко» канали маълум қилди.
«Тошкент аэропортидаги манбаларимга кўра, пойтахтнинг собиқ ҳокими Жаҳонгир Ортиқхўжаев бугун эрталаб оиласи билан шаҳар ташқарисига учиб кетмоқчи бўлган.
Аммо уни Давлат хавфсизлик хизмати тўхтатиб қолган.
Расмий ахборотни кутиб қоламиз», деб ёзади у.
Эслатиб ўтамиз, бугун президент томонидан ўтказилган йиғилишда Жаҳонгир Ортиқхўжаев ишдан бўшатилгани эълон қилинди.
Давлат раҳбари унинг «оёғи ердан узилгани»ни айтди (видео).
Шунингдек, президент Шавкат Мирзиёев Давлат хавфсизлик хизмати ва Бош прокуратурага бугун лавозимидан озод этилган мутасаддиларнинг фаолиятини ўрганишни буюрди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter