«Чегара билмас журналистлар» рейтинги эълон қилинди
Ҳар йили «Чегарасиз репортёрлар» ОАВнинг эркинлигини ҳимоя қилиш ташкилоти томонидан дунё мамлакатлари рейтинги тузилади.
Маълум бўлишича, 2018 йилги рейтингда Норвегия етакчилик қилмоқда, энг сўнгги ўринни эса Шимолий Корея эгаллаган.
Рейтингда ҳар бир давлат 0 дан 100 гача балл тўплайди. Балл қанча юқори бўлса, натижа шунча ёмон бўлади. Шунингдек, рейтинг журналистларнинг иш шароитлари, цензура, ҳуқуқий ҳимоя ва институционал ошкоралик, медиамаҳсулотлар хилма-хиллиги, уларнинг мустақиллиги асосида ҳисоблаб чиқилади.
Рейтингда Швеция, Нидерландия, Финляндия, Ямайка, Бельгия, Янги Зеландия каби мамлакатлар сўз эркинлиги билан боғлиқ вазиятлар юқори ўнталикка киритилган.
Сурия журналистлар учун энг хавфли давлат деб топилди. 2017 йилда бу ерда 13 нафар журналист ҳалок бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter