«Ўзгидромет» «ҳақиқий баҳор ҳавоси» кузатилишини эълон қилди

Гидрометеорология маркази дам олиш кунлари учун об-ҳаво маълумотини тақдим этди.
Бугун республика бўйича илиқ ва қуруқ об-ҳаво бўлиши кутилмоқда, фақат Қорақалпоғистоннинг айрим туманларида момақалдироқ билан қисқа муддатли ёмғир ёғади. Кундузи ҳаво ҳарорати 25-28° атрофида бўлади.
Эртага Ўзбекистоннинг катта қисмида қуруқ ва илиқ об-ҳаво сақланиб туради. Фақат Қорақалпоғистонда, Хоразм вилоятида ва чўл ҳудудларда баъзи жойларда Волга бўйи ҳудудларидан нам ва нисбатан салқин ҳаво кириб келиши ҳисобига қисқа муддатли ёмғир ёғади.
Якшанба куни нам ҳаво массаси Ўзбекистоннинг барча ҳудудларини қамраб олади. Кўпчилик вилоятларда ёмғир ёғади, момақалдироқ бўлиши мумкин. Тошкент, Самарқанд, Жиззах, Сирдарё вилоятларида ва Фарғона водийси вилоятларида баъзи жойларда ёмғир кучли бўлади. Ҳаво ҳарорати бироз пасаяди ва кундузи 20-25° дан юқори бўлмайди.
Республика бўйича баъзи жойларда шамол 17-22 м/с гача кучайиши кузатилади.
25 апрел душанба куни ҳам Ўзбекистоннинг марказий ва шарқий ҳудудларида ёмғир ёғиши сақланиб туради.
24-25 апрелда тоғ олди ва тоғли ҳудудларда сел келиши хавфи мавжуд.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter