Уильям Шекспир коронавирусга қарши эмланди
Уильям Шекспир исмли британиялик киши коронавирусга қарши Pfizer/BioNTech вакцинасини қабул қилган мамлакатнинг иккинчи фуқаросига айланди, деб ёзади «Daily Mail» газетаси.
Сешанба куни Буюк Британияда аҳолининг энг заиф қатламлари — қариялар уйидаги беморлар, тиббиёт ва ижтимоий соҳа ходимлари, шунингдек, 80 ёшдан ошган кексалар орасида коронавирусга қарши вакцинация бошланди. Ковентри шаҳрида яшовчи 90 ёшли Маргарет Кинан вакцинани қабул қилган биринчи бемор бўлди.
Британиянинг 81 ёшли фуқароси Уильям Шекспир — машҳур шоирнинг адаши мамлакатда иккинчи бўлиб эмланди. Газетанинг ёзишича, унинг эмланиши машҳур инсоннинг исми билан боғлиқ бўлгани учун ижтимоий тармоқларда кўплаб ҳазил-мутойибаларга сабаб бўлди.
«Worldometers» маълумотларига кўра, Буюк Британияда 1,737,960 киши коронавирусга чалинган бўлиб, улардан 61,434 нафари вафот этди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter