Uilyam Shekspir koronavirusga qarshi emlandi
Uilyam Shekspir ismli britaniyalik kishi koronavirusga qarshi Pfizer/BioNTech vaksinasini qabul qilgan mamlakatning ikkinchi fuqarosiga aylandi, deb yozadi «Daily Mail» gazetasi.
Seshanba kuni Buyuk Britaniyada aholining eng zaif qatlamlari — qariyalar uyidagi bemorlar, tibbiyot va ijtimoiy soha xodimlari, shuningdek, 80 yoshdan oshgan keksalar orasida koronavirusga qarshi vaksinatsiya boshlandi. Koventri shahrida yashovchi 90 yoshli Margaret Kinan vaksinani qabul qilgan birinchi bemor bo‘ldi.
Britaniyaning 81 yoshli fuqarosi Uilyam Shekspir — mashhur shoirning adashi mamlakatda ikkinchi bo‘lib emlandi. Gazetaning yozishicha, uning emlanishi mashhur insonning ismi bilan bog‘liq bo‘lgani uchun ijtimoiy tarmoqlarda ko‘plab hazil-mutoyibalarga sabab bo‘ldi.
«Worldometers» ma’lumotlariga ko‘ra, Buyuk Britaniyada 1,737,960 kishi koronavirusga chalingan bo‘lib, ulardan 61,434 nafari vafot etdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter