Андроид қурилмалар учун Xabar.uz мобил иловаси. Юклаб олиш ×

Бухорода икки ўспирин товламачилиги учун қўлга олинди

Бухорода икки ўспирин товламачилиги учун қўлга олинди

Бухорода фуқаронинг беҳаё суратларини тарқатиш билан таҳдид қилиб ундан пул маблағларини ундириб келган икки ўспирин қўлга олинди.

Вилоят ИИБга кўра, Бухоро шаҳрида яшовчи 18 ёшли Х.А. ва А.И. лар ўзаро жиноий тил бириктириб, вилоятнинг Жондор туманида яшовчи бир қизнинг беҳаё видеоларини тарқатиш ва шарманда қилиш билан қўрқитиб ундан пул талаб қилишган.

Улар жорий йил 6 феврал кунидан бошлаб бир неча маротаба ундан пул талаб қилиб олиб келган ва охирги марта талаб қилинган 15 млн сўмдан 9,9 млн сўмни олган. Аммо шу билан ҳам кифояланмасдан яна 4,1 млн сўм миқдоридаги пулларни беришга мажбур қилиш даражасига келтириб қўйган.

Қизнинг Бухоро вилояти ИИБга қилган мурожаати асосида ўтказилган тезкор тадбир давомида ушбу икки шахс Бухоро шаҳар Педагогика институти олдида талаб қилинган пулларни олган вақтида ашёвий далил билан қўлга олинди.

Мазкур ҳолат юзасидан Ўзбекистон Республикаси ЖК.нинг 165-моддаси 2-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг