АҚШнинг бир нечта агентликлари йирик киберҳужумга учради
АҚШнинг бир нечта федерал агентликлари йирик киберҳужумга учради, дея хабар бермоқда CNN.
«Киберхавфсизлик агентлиги улар фойдаланадиган МОВЕит иловаси билан боғлиқ хакерлик билан шуғулланишга мажбур бўлган бир нечта федерал агентликларга ёрдам бермоқда», – деди Киберхавфсизлик агентлиги вакили Эрик Голдштейн.
Агентлик CNNнинг бузғунчилик ортида ким тургани ва қанча бўлимга таъсир қилгани ҳақидаги саволига жавоб бермади.
Телеканал икки ҳафта олдин АҚШнинг асосий университетлари ва алоҳида штатларнинг ҳукуматларига қарши киберҳужумлар бошланганини эслатди. Хусусан, Жонс Хопкинс университети хакерлар шахсий ва молиявий махфий маълумотларни ўғирлаши мумкинлигини маълум қилди.
Жоржия Университет тизими маъмурияти аввалроқ улар кибер-хакерлик миқёси ва ундан келиб чиқиши мумкин бўлган зарарни ўрганаётганини тасдиқлаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter