АҚШнинг махсус элчиси Стив Уиткофф Исроилга ташрифини якунлагач, Россияга ташриф буюради.

Бу ҳақда Bloomberg Доналд Трампнинг сўзларидан иқтибос келтирди.

«Ҳа, у Исроилга, кейин эса Россияга боради», – деган Трамп 31 июл куни Оқ уйда журналистларга.

АҚШ президентининг қўшимча қилишича, у Россияга Украина билан ўт очишни тўхтатиш келишувига эришиш учун белгиланган муддатни ўтказиб юборганидан сўнг санкциялар жорий этиш ҳақида ўйлаяпти. Трампнинг фикрича, санкциялар Россия президенти Владимир Путиннинг хатти-ҳаракатларини ўзгартира олмайди.

«Бизда тахминан саккиз кун бор. Шунинг учун ҳа, биз санкциялар қўллаймиз. У санкциялардан хавотирдами ёки йўқлигини билмайман», - деди Трамп.

АҚШ президенти июль ойи охирида Россияга 10 кунлик муддат (8 августгача) – Россия армияси Украинада ўт очишни тўхтатиши кераклигини белгилаган эди. Трамп ушбу муддат тугагач, АҚШ Россияга нисбатан тарифлар ва бошқа чораларни жорий этишини айтди. Трамп дастлаб Россияга 14 июлдан бошлаб 50 кун муҳлат берган, кейин эса бу муддатни қисқартирган.

Стив Уиткоффнинг Россияга мазкур ташрифи бешинчиси бщлади. У аввал Россияга тўрт марта — феврал, март ва икки марта апрелда келган ва Владимир Путин билан учрашган.