Андроид қурилмалар учун Xabar.uz мобил иловаси. Юклаб олиш ×

Айрим мутахассисларнинг маоши оширилди

Айрим мутахассисларнинг маоши оширилди

Фото: «Xabar.uz»

Инновацион ривожланиш вазирининг буйруғи (рўйхат рақами 3104-2, 2.11.2020 й.) билан ИТМнинг илмий фаолиятни конструктор-технологик таъминлаш, илмий лаборатория ускуналарига хизмат кўрсатиш вазифалари юклатилган муҳандис-техник ходимларининг базавий лавозим маошларига ўзгартиришлар киритилди. Бу ҳақда «Норма» хабар бермоқда.

Ўзгартиришлар Президентнинг 30.12.2019 йилдаги «Ўзбекистон Республикасининг «2020 йил учун Ўзбекистон Республикасининг давлат бюджети тўғрисида»ги қонуни ижросини таъминлаш чора-тадбирлари тўғрисида» ПҚ-4555-сон қарорининг 7-бандига мувофиқ киритилмоқда. Ушбу бандга асосан 2020 йил 1 февралдан бошлаб бюджет муассасалари ходимларининг иш ҳақи миқдори 1,07 бараварга оширилган.

Маошлар қуйидаги миқдорларда белгиланган:

Лавозим

Базавий лавозим маош миқдорлари (МҲЭКМда)

Бош муҳандис

6,35

Бош конструктор, бош технолог

5,63

Етакчи мухандис, етакчи конструктор, етакчи технолог

тегишли фаолият соҳасида иш стажи мавжуд бўлганда: 

 

камида 5 йилдан кўп бўлган

4,8

камида 2 йилдан 5 йилгача

4,52

Олий маълумотли мутахассислар (муҳандислар, конструкторлар, технологлар)

тегишли фаолият соҳасида иш стажи мавжуд бўлганда:

 

камида 5 йилдан кўп бўлган

3,29

камида 2 йилдан 5 йилгача

3,09

2 йилгача

2,83

Ўрта маълумотли мутахассислар (муҳандислар, конструкторлар, технологлар)

тегишли фаолият соҳасида иш стажи мавжуд бўлганда:

 

камида 5 йилдан кўп бўлган

2,77

камида 2 йилдан 5 йилгача

2,6

2 йилдан кам

2,4

Ҳужжат Қонун ҳужжатлари маълумотлари миллий базасида эълон қилинган ва 2.11.2020 йилдан кучга кирди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг


    Изоҳлар мавжуд эмас