15 июн дунёнинг энг бадавлат кишилари учун ажойиб кун бўлди. Ню-Йоркдаги савдолар якунига кўра, жаҳоннинг энг бой 500 кишисининг бойлигига 336 миллиард доллар қўшилди, деб хабар берди Bloomberg.

Бу кузатувлар тарихидаги энг катта кунлик ўсишдир.

Энг бош 500 кишининг умумий бойлиги рекорд даражадаги 13,3 триллион долларга етди.

Дунёдаги биринчи триллионер — Илон Маск бошқалардан анча узоқлашиб кетди — унинг бойлиги 10 фоиздан кўпроққа ошиб, 1,27 триллион долларни ташкил этди.

Душанба куни АҚШ ва Эрон Ҳўрмуз бўғозида кемалар қатновини тиклаш бўйича оралиқ келишувга эришганидан кейин бозорларда ижобий кайфият кузатилди. Ўтган ҳафтада Space X компанияси ўз IPOси (акцияларини бирламчи жойлаштириш) билан катта шов-шувга сабаб бўлган эди. Ушбу ижобий ҳолат Dow Jones Industrial Average индексини рекорд даражага кўтарди, Nasdaq 100 ва MSCI World Index индекслари эса тарихий энг юқори кўрсаткичларга яқин даражада ёпилди.Чакана трейдерлар Space X компанияси акцияларини сотиб олишга шошилгани сабабли, ушбу компания бойликлар ўсишининг асосий ҳаракатлантирувчи кучига айланди. Унинг бозор қиймати 20 фоизга кўтарилиб кетди.