Франция президенти ортидан Буюк Британия бош вазири Кир Стармер ҳам Фаластинни алоҳида давлат сифатида тан олиши мумкин.

Стармернинг таъкидлашича, Фаластин давлатининг яратилиши — Яқин Шарқдаги вазиятни барқарорлаштириш йўлларидан биридир.

The appalling scenes in Gaza are unrelenting.

The UK will pull every lever we have to get food and lifesaving support to Palestinians, and we will evacuate children who need urgent medical assistance.

This humanitarian catastrophe must end. pic.twitter.com/eNg7E5ABme

— Keir Starmer (@Keir_Starmer) July 25, 2025

«Фаластин давлатини тан олиш бу қадамлардан бири бўлиши шарт. Бу менинг ягона позициям», — деб ёзди Стармер Х ижтимоий тармоғида.

У бу масалада яқин иттифоқчилар билан ишлаётганини қўшимча қилди.

Бош вазир Британия фаластинликларни озиқ-овқат ва бошқа керакли ёрдам билан таъминлаш учун бор кучини сарфлашини, шошилинч тиббий ёрдамга муҳтож болаларни зудлик билан Ғазодан эвакуация қилиш кераклигини қўшимча қилди.

24 июл куни Франция президенти Эммануэл Макрон БМТ Бош ассамблеясининг сентябридаги йиғилишида Фаластин Давлатини тан олишини эълон қилганди.