Германия суди 96 ёшли Ирмгард Фухнерни Иккинчи Жаҳон урушида 11 400 нафар яҳудий, поляк ва концлагер асирларини йўқ қилишда қатнашганликда айбламоқда. Бу ҳақда Daily Mail нашри хабар бермоқда.

Ирмгард Фухнер ўшанда 18 ёшда эди. У Польшадаги Штуттгоф концлагери комендантининг котибаси бўлиб ишлагани боис, вояга етмаганлар ишлари бўйича судга тортилади.

Прокуратура айблов хулосасига кўра, стенограф ва ёзувчи сифатида Фухнер маҳбусларни мунтазам равишда ўлдиришда лагер раҳбарларига ёрдам берган. Унинг иши бўйича асосий суд мажлиси сентябрь ойида бошланиши керак. Ҳозир аёл Квикборне қариялар уйида яшайди.  

1944 йил 22 июлда оберштурмбанфюрер Пол Маурер номаълум миқдордаги маҳбусларни йўқ қилиш учун Штуттҳофдан Освенцимга депортация қилишни буюради.Тўрт кундан кейин комендатура кўчирилиши керак бўлган маҳбусларнинг рўйхатини тайёрлади. Прокуратура ушбу рўйхат Фухнер томонидан тузилган деб даъво қилмоқда.

Иккинчи Жаҳон уруши пайтида Освенцимга 1,3 миллионга яқин одам юборилган, улардан 1,1 миллиони вафот этган. Бошқа тахминларга кўра, лагерда тўрт миллионгача одам ўлган. Освенцим  Совет қўшинлари томонидан 1945 йил 27 январда озод қилинган, бу кун Холокост қурбонларини халқаро хотирлаш куни сифатида нишонланади.