1963 йилда ҳали бўйдоқ бўлган Евгений Моргуновнинг уйида телефон жиринглади. Актёр гўшакни кўтарди ва тармоқнинг нариги томонидан эшитилган майин овозга қулоқ тутди.

Қўнғироқ қилган қиз рақамда адашган ва ўзи ўқиётган университетда синов имтиҳони қачон бўлишини сўраган эди. Яхшигина ҳазилкаш бўлган Евгуний Моргунов бир шумликни ўйлади.

– Cиз телефон рақамингизни қолдиринг. Мен жадвални кўриб, қўнғироқ қиламан, – деди у.

Кейин эса тегишли кун ва соатни айтиб, қизга қўнғироқ қилди.

Кафедрада профессор йўқ экан. Синов имтиҳони борасида ҳам жимжитлик эди. Жаҳли чиққан ва ҳеч нимага тушунмаган талаба қиз уйига қайтди. Худди шу пайтда телефон жиринглади.

– Евгений қўнғироқ қилиб ўзини таништирганида ва ҳазил қилганини айтиб кечирим сўраганида мен ўйланиб қолдим: «Бу одамнинг қиладиган иши йўқмикан?» деб, – дея эслайди Наталья Моргунова.

Ўша пайтларда аллақачон танилган актёр қизга учрашишни таклиф қилди. Аввалига Наталья рад этди, кейин эса барибир қизиқиши устун келди: «Бу машҳур Моргунов деганлари ҳаётда қандай одам экан-а?»

Улар учрашдилар.

Евгений Моргунов ва Наталья ўртасида муҳаббат пайдо бўлди ва умрлари охиригача давом этди...