Инсон биринчи марта сунъий юрак билан 100 кундан зиёд яшади
Австралиялик эркак сунъий юрак билан 100 кундан кўп яшаган дунёдаги биринчи инсонга айланди, деб ёзди The Guardian.
Юрак етишмовчилиги ташхиси қўйилган 40 ёшли эркакка 2024 йилнинг 22 ноябр куни сунъий юрак ўрнатилган. 2025 йил февралида шифохона уйига кетишга рухсат берди, март ойи бошида унинг навбати келиб, донор юрагига эга бўлди.
Австралияликка қадар худди шу юракдан бештаси АҚШда синовдан ўтди. Уёқда қурилманинг ўрнатилиши ва донор юраги ўтказилишига қадар энг узоқ муддат 27 кун бўлганди.
Мавзуга доир: Биринчи марта инсонга механик юрак ўрнатилди
Ушбу сунъий юрак (BiVACOR)ни доктор Дэниел Тиммс ихтиро қилган. BiVACOR титандан ишланган роторли қон насоси бўлиб, инсон юраги ўрнини тўлиқ эгаллай олади.
Маълумотларга кўра, дунёда ҳар йили 23 миллионга яқин одам юрак етишмовчилигига учрайди, шундан фақат 6 минг нафарига донор органи насиб этади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter