Италияда коронавирус билан касалланганлар кескин кўпайди
Италияда коронавирус билан касалланганлар сони кескин ошиб кетди ва 1694 кишига етди. Бу ҳақда фуқаро мудофааси раҳбари Анжелло Боррелли хабар бериб ўтган.
Ўтган бир кун давомида коронавирусдан яна 5 бемор вафот этган. Шу тариқа Италияда касаллик қурбонлари сони 34 кишига етди. 80 нафар фуқаро эса тузалиб кетган.
Борреллининг айтишича, касалланганларнинг 51 фоизи айни вақтда ўз уйида карантинда ўтирибди. Уларда ҳозирча коронавирус аломатлари очиқ кўринмаяпти. Яна 9 фоиз беморлар эса касалхонада даволанмоқда.
Бироз вақт муқаддам Италия ташқи ишлар вазирлиги мамлакатга сайёҳлар келишини чеклаш борасида тавсия бермаслигини билдирган эди. Бироқ шу билан бирга вазирлик бир қатор шаҳарлар карантин ҳолатида эканини ҳам эслатган.
Маълум қилинишича, бутун дунё бўйлаб касалланганлар сони 87,5 минг кишига етди. Улардан 2,9 мингдан ошиғи вафот этган бўлса, 42,7 минг бемор тузалиб кетган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter