Қирғизистонда раҳбарлик ваколати бошқа одамга ўтди
Қирғизистон президенти вазифасини бажарувчи Садир Жапаров 2021 йил 10 январда бўладиган президентлик сайловида қатнашади.
Шу муносабат билан у ўз президентлик ва бош вазирлик ваколатларини топширган, дея ёзмоқда «Sputnik».
Энди Жогорку Кенеш спикери Талант Мамитов вақтинчалик президентлик вазифасини бажариб турса, бош вазир ўринбосари Артём Новиков сайлов натижаларига қадар ҳукуматни бошқаради.
Маълумотларга кўра, Қирғизистонда бўлажак президент сайловида қатнашадиган номзодлар сони айни пайтгача 50 дан ошган. Аммо рўйхатга олиш жараёнлари ҳали давом этяпти.
Даъвогарлар орасидан Жапаровдан ташқари олдинги спикер Канат Исаев, парламентнинг қатор собиқ аъзолари ва бошқалар ўрин олган.
Эслатиб ўтамиз, мамлакатни 2017 йилдан бери бошқарган Сооранбай Жээнбеков намойиш ва норозиликлар сабаб октябрь ойида истеъфо ергач, Жапаров ваколатларни ўз зиммасига олганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter