Байден бўлажак сиёсатининг туб моҳиятини очиқлади
Демократлар партиясидан номзод Жо Байден АҚШ президентлик сайловларида ғалаба қозонганини айтиб, халққа мурожаат қилди. Шунингдек, у бўлажак сиёсатининг устувор йўналишларини айтиб ўтди.
Унинг халққа мурожаати NBC телеканали томонидан нашр этилди.
Байденга кўра, америкаликлар «қадр-қиммат ва ҳалоллик, илм-фан ва замонамизнинг буюк жангларида ғалаб умиди учун» уни ва Камала Харрисни танладилар. Сиёсатчи коронавирусни жиловлаш, фаровонлик, соғлиқни сақлаш, ирқчиликка қарши кураш ва иқлимни асраш муҳим йўналишлар эканини таъкидлаган.
Байден, шунингдек, демократияни ҳимоя қилиш ва фуқаролар учун тенг имкониятлар яратиш зарурлигини айтди.
Эслатиб ўтамиз, 3 ноябрь куни бўлиб ўтган сайловларда Жо Байден амалдаги раҳбар Доналд Трампга қарши кураш олиб борди. Куни кеча АҚШ ОАВлари унинг ғалабасини эълон қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter