Ким Чен Ин Жанубий Кореяга бориши мумкин
Шимолий Корея етакчиси Ким Чен Ин Жанубий Кореяга ташриф буюриши мумкин.
Жанубий Корея расмийлари Шимолий Корея етакчиси Ким Чен Инни Сеулда бўлиб ўтадиган Осиё-Тинч океани иқтисодий ҳамкорлиги (APEC) саммитига таклиф қилиш имкониятини кўриб чиқмоқда. Бу ҳақда Korea Times ўз манбаларига таяниб хабар бермоқда.
“Расмийлар бу ғоя ҳали расман муҳокама қилинмаганини тушунтиришди, бироқ ташкилотдан ташқаридаги давлатларни таклиф қилиш раис мамлакатнинг эксклюзив ваколати бўлиб қолаётганини тан олдилар”, деб ёзади газета.
Газета манбалари тушунтирганидек, Шимолий Корея етакчисини саммитга таклиф қилиш “давом этаётган минтақавий тарангликни бартараф этиш йўлидаги муҳим дипломатик қадам бўлиши мумкин”.
Эслатиб ўтамиз, 2019 йилда АҚШ раҳбари Доналд Трамп ва Ким Чен Ин икки Корея ўртасидаги зонада кўришган эдилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter