Коронавирусга қарши илк ДНК-вакцина ишлаб чиқилди
Ҳиндистонлик олимлар COVID-19га қарши дунёдаги илк ДНК-вакцинани ишлаб чиқишди. Бу ҳақда «Hightech.fm» хабар берди.
Ҳиндистон дори воситалари мувофиқлаштирувчиси COVID-19га қарши фавқулодда вазиятларда қўлланилувчи илк ДНК-вакцина — ZyCoV-Dни тасдиқлади. Учта дозадан иборат ушбу вакцина эмланганларнинг 66 фоизида касалликнинг олдини олган. Бу ҳақда оралиқ синовларни ўтказган ушбу вакцина ишлаб чиқарувчиси — «Cadila Healthcare» компанияси маълум қилди.
Синовларда 28 минг нафар кўнгилли иштирок этган.
Компания йилига вакциналардан 120 миллионтагача доза ишлаб чиқаришни режалаштирган.
Ҳиндистонда шу пайтгача қўллашга рухсат этилган Covishield, Covaxin ва Sputnik V вакциналари билан 570 млн. дозалик эмлаш амалга оширилди. Катта ёшлиларнинг 13 фоизи тўлиқ эмлаб бўлинган, 47 фоизи вакцинация бошланган январь ойидан бери ҳеч бўлмаганда вакцинанинг битта дозасини қабул қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter