Андроид қурилмалар учун Xabar.uz мобил иловаси. Юклаб олиш ×

Коррупцияга қарши курашишда яна бир қадам ташланди

Коррупцияга қарши курашишда яна бир қадам ташланди

Бугун Тошкентда «Ўзбекистон бизнес ҳамжамиятида ҳалоллик» бизнес форуми ўтказилди. Форумда «Ўзбекистон бизнесининг коррупцияга қарши курашиш Хартияси» тасдиқланди.

Ҳужжат 43 та вазирлик ва идоралар, ҳуқуқни муҳофаза қилувчи органлар, жамоатчилик ташкилотлари мутахассислари иштирокида қатор муҳокамалардан ўтказилган.

Мазкур хартия тадбиркорлик субъектининг молиявий фаолиятини бошқариш, шартнома муносабатлари, кадрларни танлаш ва ўқитиш, ички интизом ва қонунийликни мустаҳкамлаш, давлат харидлари каби муҳим йўналишларда коррупция хавфларининг олдини олишга қаратилган комплекс чораларни ўз ичига олган.

«Бу хартияга ҳеч қайси тадбиркор мажбуран аъзо қилинмайди. Биз бизнес вакилларига кўпроқ имконият яратиб бермоқчимиз», — дейди Савдо-саноат палатаси раиси Адҳам Икромов.

Маълумот ўрнида, Коррупцияга қарши курашиш агентлиги, Савдо-саноат палатаси, Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг Қўшма қарори билан хартия тасдиқланди.

Эслатиб ўтамиз, «World Justice Project» ташкилоти томонидан Ўзбекистон «коррупция мавжуд эмаслиги» индикаторида юқорилагани ҳақида хабар берган эдик.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг