Роналдунинг онаси ўғли кўпроқ «Олтин тўп» юта олмаганида «футбол мафияси»ни айблади
Туриннинг «Ювентус» клуби ва Португалия терма жамоаси ҳужумчиси Криштиану Роналдунинг онаси Долореш Авейру ўғли ҳақидаги саволларга жавоб бераркан, у кўпроқ «Олтин тўп» ютиб олмаганида «футбол мафияси»ни айблади.
— Криштиану янада кўпроқ «Олтин тўп» ютиб олиши мумкин эди, агарда футбол мафияси бўлмаганда. Ҳа, айнан мафия, буни бошқача атаб бўлмайди. Агар бўлиб ўтган ишларга қарайдиган бўлсангиз, бу айнан мафиянинг иши эканини тушуниб оласиз, — дейди Авейру.
Шу билан бирга Долорешнинг айтишича, Криштиану агарда испаниялик ёки англиялик бўлганида, мафия унинг йўлига тўғаноқ бўлмас эди. Шу билан бирга Роналдунинг онаси ўғли бу йил «Олтин тўп»ни қўлга киритишига ишончи комил эмаслигини, аммо шундай бўлишини кутишини билдирган.
Эслатиб ўтамиз, Криштиану Роналду беш марта «Олтин тўп» мукофотини қўлга киритган (2008, 2013, 2014, 2016, 2017).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter