Медведев Трампнинг талабига муносабат билдирди
Россия Хавфсизлик Кенгаши раиси ўринбосари Дмитрий Медведев Доналд Трампнинг талабига кескин муносабат билдирди. Унинг айтишича, АҚШ президенти Доналд Трампнинг Россия-Украина можаросига барҳам бериш бўйича янги муддати музокаралар жараёнини “ультиматумлар ўйини”га айлантиради.
У Оқ уй раҳбарининг Украинадаги ҳарбий ҳаракатларни тугатиш муддатини 50 кундан 10-12 кунга қисқартирганини шундай изоҳлади.
"Ҳар бир янги ультиматум таҳдид ва уруш томон қадамдир. Россия ва Украина ўртасида эмас, балки унинг ўз мамлакати (АҚШ,- таҳр) билан", деб ёзган Медведев Х ижтимоий тармоғида.
У АҚШ президентини Россия “Исроил эмас, ҳатто Эрон ҳам эмаслигини” унутмасликка чақирди.
Бугун Доналд Трамп Россия ва Украина ўртасидаги музокараларда муваффақият бўлмаса, 10-12 кунлик муддатдан сўнг Россиядан нефт ва газ импорт қилувчи давлатларга 100 фоизлик божлар жорий этишга ваъда берди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter