XVI аср бошларидан то шу кунга қадар футбол сингари крикет миллионлаб инсонларни ўзига ошно этган. Крикет Жанубий- Ғарбий Англияда 18 асрда, жаҳон миқёсида 19 ва 20 асрларда кенг тарқалган. Илк халқаро крикет мусобақалари 1844 йилда, илк чемпионати «Тест - Крикет» 1877 йилда бўлиб ўтган. Айтилишича, крикет оммавийлиги жиҳатдан футболдан кейин иккинчи ўринда туради. Халқаро крикет кенгашининг маълумотиига кўра, айни дамда 4 миллиарддан кўпроқ аҳоли крикет мухлиси ҳисобланади. Крикет 17-асрда Шимолий Америка, Ҳиндистон, Австралия, Янги Зеландия ва Жанубий Африка давлатларига кириб борган. Ҳозирда крикет айниқса, Жанубий Африка, Ҳиндистон, Покистон, Шри-Ланка, Бангладеш, Бирлашган Араб Амирликлари, Эрон, Афғонистон, Буюк Британия, Австралия, Янги Зеландия каби кўплаб давлатларда жуда ҳам машҳурдир.

    Покистон 1947 йилда мустақилликни қўлга киритиши биланоқ барча давлат тузилмалари қаторида спорт ривожига ҳам алоҳида эътибор қаратила бошланди. Бу жараённинг тезлашишида Буюк Британиядан қолган мустаҳкам инфраструктура муҳим омил бўлганини тан олиш керак. Спортнинг крикет йўналишига профессионаллар ҳам, ҳаваскорлар ҳам жиддий қизиққани боис миллий асслциация ташкил қилишнинг юридик жараёнлари мураккаб бўлмади.

1949 йилнинг 1 май куни Покистон крикет Кенгаши ташкил топди. Ўша куни Кенгашнинг биринчи мажлиси  ўтказилди.

1952 йилнинг 28 июль куни Покистон International Cricket Council тўлақонли аъзоси бўлди. Шу тариқа  олий даражадаги халқаро мусобьақаларда (Test) иштирк этиш имкониятига эга бўлди. Покистонни терма жамоасининг  Test доирасидаги илк  ўйинлари  1952 йилнинг октябрида бўлиб ўтди. 

Покистон крикет кенгаши нафақат ҳалқаро даражадаги  (Test, ODI ва Twenty20), балки миллий чемпионатларни ҳам ўтказиш учун маъсул. Миллий чемпионатлар қуйидаггича ўтказилади:

Quaid-e-Azam Trophy (минтақавий мусобақалпрнинг биринчи босқичи): 2-3 муддатли;

Pakistan Cup (минтақавий А босқич): 1 ой муддатли;

National T20 Cup (минтақавий T20 мусобақаси): 1 ой муддатли;

Pakistan Super League (умуммилий T20 мусобақаси): 1 ой муддатли.

Шуни таъкидлаш керакки 2019 йилда миллий чемпионатларга ўзгартиш киритилди.

2016 йилда жорий қилинган Суперлига Покистон ғурурига айланди.Аввалига 5 та даъвогоар ўртасида кураш ўтказилган бўлса, 2016 йилдан бошлаб иштиркчилар сони олтитага етказилди. Таҳлилчиларнинг фикрича, бугунги кунда крикет бўйича Покистон терма жамоаси жаҳондаги энг кучли жамоалоапрдан бири бўлиб, Test рейтингида  бешинчи ўринни эгаллаб турибди.

Покистон миллий командаси мунтазам равишда Champions Trophy ва  Asian Cup да иштирок этиб келади, Austral-Asia Cup ва  Asian Test Championship мусобақаларида қатнашади. Бу мусобақаларда бир неча бор зафар қучган. Покистонда крикет шунчаки спорт тури эмас. Крикет Покистонда бирлаштирувчи кучдир.

Крикет Ўзбекиситонда спортнинг янги тури ҳисобланади. 2019 йилда Ўзбекистонда Крикет федерацияcи давлат рўйхатидан ўтказилган эди. Мазкур ташкилотнинг асосий мақсади Ўзбекистонда крикет спорт турини оммалаштириш ва ривожлантириш, унинг мавқеини ҳар томонлама ошириш ҳамда аҳоли ўртасида соғлом турмуш тарзини тарғиб қилишдан иборат ҳисобланади. Ёшларни мазкур спорт турига кенг жалб этиш учун федерация томонидан бир қатор ишлар амалга оширилмоқда. Бугунги кунда Қашқадарё, Фарғона, Самарқанд, Тошкент, Сурхондарё, Бухоро ва Хоразм вилоятларида крикет жамоалари фаолият олиб боради.

Ўзбекистон крикет федерацияси мамлакатимизда ушбу спорт турини кенг ривожлантириш учун халқаро ҳамкорлик масалаларига ҳам алоҳида эътибор қаратмоқда. 2021 йилнинг 21 сентябрь куни Ўзбекистон крикет федерацияси ва Покистон крикет кенгаши ўртасида ҳамкорлик меморандуми имзоланди. Унга мувофиқ, Покистон крикет кенгаши томонидан мазкур спорт тури бўйича Ўзбекистонда ўқув-таълим ишлари амалга оширилади. Бунда асосан мураббийлар ва крикетчиларнинг маҳоратларини ошириши учун ўқув-машғулотлар олиб борилади. Шунингдек, Ўзбекистон крикет федерацияси ва Покистон крикет кенгаши ўртасидаги ҳамкорликни кучайтириш масалалари муҳокама қилинган ва ҳар икки ташкилот ўртасида ўзаро тажриба алмашинувини йўлга қўйиш борасида ҳам келишувга эришилган. Махсус дастурга мувофиқ, Покистон крикет кенгаши томонидан Ўзбекистонга покистонлик мутахассислар юборилади ва улар томонидан босқичма-босқич ҳакамлик ва мураббийлик курслари, турли даражадаги амалий ва назарий ўқув-йиғинлар ўтказилади. Бундан ташқари, Покистоннинг Лахор шаҳридаги Крикет миллий маҳорат марказида турли ёшдаги жамоалар учун ўқув-машғулот йиғинлари ташкил этилади.

Бугун Покистоннинг Тошкентдаги элчихонасида Ўзбекистон крикет клубининг Покистондаги ўқув йиғинига жўнаб кетишига бағишланган тадбир бўлиб ўтди. Унда нутқ сўзлаган Покистоннинг Ўзбекистондаги Фавқулотда ва Мухтор элчиси  Аҳмед Фаруқ  ўзбек крикет клубининг Лаҳордаги машҳур жамоада ўтадиган ўқув машғулотларида иштирок этиши икки томонлама алоқаларнинг янада мустаҳкамланишига ҳисса қўшишини таъкидлаб ўтди.

                      Шарофиддин Тўлаганов