Ўзмиллийбанк томонидан Фарғона вилоят бўлими ва филиаллари томонидан 2019 йилда ажратилган кредитлар тўғрисида Xabar.uz учун маълумот берилди.

Ўзбекистон Республикаси мустақиллигига эришгандан сўнг мамлакат иқтисодиётини такомиллаштириш борасида бир қатор ислоҳотлар амалга оширилди. Бу ислоҳотлар қаторига иқтисодиётда кичик бизнес ва тадбиркорлик субъектлари фаолиятини такомиллаштиришда банклар томонидан амалга оширилаётган тадбирларни хам киритиш мумкин. Бугунги кунда Республикамиз иқтисодиётида кичик бизнес ва тадбиркорлик субъектларининг хиссасини оширишга, уларни ташкил этиш орқали кўплаб муаммоларни хал этишга катта эътибор қаратилмоқда.

Айтиш мумкинки, бозор иқтисодиёти шароитида мамлакатимиз иқтисодиётида кичик бизнес ва тадбиркорлик субъектлари хажмини ошириш турли тармоқлар ривожланишига, ишлаб чиқарилаётган махсулотлар ва кўрсатилаётган хизматлар сифатини ошишига ижобий таъсир этади.

Бугунги кунда Ўзмиллийбанк вилоят бўлими ва филиаллари томонидан 25 413 та юридик ва хусусий тадбиркорлик субъектларига ҳамда 275 063 та жисмоний шахсларга хизмат кўрсатиб келинмоқда. Кичик бизнес ва хусусий тадбиркорлик субъектларини қўллаб-қувватлаш ва улар томонидан амалга оширилаётган лойиҳаларни молиялаштириш борасида банк томонидан миллий ҳамда хорижий валютада хорижий кредит линиялари ҳисобидан кредит маблағлари ажратиш орқали яқиндан ёрдам бериб келинмоқда.

Жорий йилнинг ўтган даври давомида кичик бизнес ва тадбиркорлик субъектларига ўз бизнес режаларини амалга оширишлари учун 3001 та кичик бизнес ва хусусий тадбиркорлик субъектлари 145,6 млрд. сўмдан ортиқ кредит маблағлари ажратилган. Бундан ташқари хўжалик юритувчи субъектларга экспортни йўлга қўйишга кўмаклашиш мақсадида дастгоҳлар сотиб олиш учун кредит ажратилмоқда. Бунинг учун хорижий кредит линиялар маблағлари хисобидан 11 та хўжалик юритувчи субъектларга 5,6 млн. АҚШ доллари эквивалентида кредит маблағлари ажратилди.

Бундан ташқари жорий йил охирига қадар банк бўлими томонидан 15 та кичик бизнес субъектларига 5,0 млн. АҚШ долларидан зиёд кредит берилиши мақсад қилинган. Тадбиркорларга хорижий кредит йўналишлар маблағлари ҳисобидан кредитлар ажратилиши режалаштирилмоқда.