Европа Миллатлар лигаси финалида Португалия Испанияни мағлубиятга учратиб, турнирнинг икки карра ғолибига айланди. Ғолиб пеналтилар сериясида аниқланди.

Дастлабки таймнинг ўрталарида испанлар яримҳимоячиси Субименди ҳисобни очди. Бир неча дақиқа ўтиб Нуно Мендеш мувозанатни тиклади. Таймнинг сўнгги дақиқасида Оярсабал яна Испанияни ҳисобда олдинга олиб чиқди. 61-дақиқада Криштиану Роналду ҳисобни тенглаштирди.

Асосий ва экстра-таймларда ҳисоб ўзгармади. Пеналтилар серияси эса Португалияга омад келтирди.

Миллатлар лигаси, финал

«Алянс Арена», Мюнхен, 8 июн

Португалия – Испания 2:2 (Пеналтилар серияси — 5:3)

Голлар: Мендеш 26, Роналду 61 — Субименди 22, Оярсабал 45.

Португалия: Кошта, Невеш (Семеду 46), Диаш, Инасио (Вейга 74), Мендеш, Витиния, Фернандеш, Силва (Леау 74), Консейсау (Невеш 46), Нету, Роналду.

Испания: Симон, Мингеса, Ле Норманн, Ҳейсен, Кукурелия, Субименди, Фабиан (Мерино 75), Педри (Иско 75), Уилямс (Баена 92), Оярсабал, Ямал.

Огоҳлантиришлар: Инасио — Фабиан.