Россия президенти Владимир Путин Украина Қуролли Кучларининг қарши ҳужум пайтида «катта йўқотишлари» ҳақида қаердан маълумот олаётганини айтди. 

У бу ҳақда ҳарбий журналистлар билан учрашувнинг ёпиқ қисмида гапириб ўтган, дея ёзади журналист Павел Зарубин Telegram каналида. 

Президентнинг сўзларига кўра, Украина ва Россия томонлари алоқа воситаларидан фойдаланади ва бир-бирини тинглайди.

Путин таъкидлаганидек, «душман ўзаро суҳбатларда катта йўқотишларни тасдиқлаган».

Шунингдек, Россия раҳбарига «маълумотлар жуда кўп каналлар орқали келади», шу жумладан у батальонлар, бригадалар, полклар, бўлинмалар командирлари билан бевосита алоқа бўлиб турганини айтган.

Aгар қўмондон ўша пайтда жангда бўлса, давлат раҳбари билан суҳбат жангдан кейин бўлади.

Эслатиб ўтамиз, Путин аввалроқ Украина томони қарши ҳужумда катта йўқотишларга учраганини иддао қилганди. Унинг айтишича, Украина Қуролли кучлари қарши ҳужум пайтида Ғарб томонидан етказиб берилган 160 дан ортиқ танк ва 25-30 фоиз ҳарбий техникани йўқотган.