Россиядан ўн минг доллардан кўп нақд пул олиб чиқиш тақиқланди
Россия президенти Владимир Путин 2 мартдан бошлаб мамлакатдан 10 минг доллардан ортиқ нақд хорижий валютани олиб чиқишни тақиқловчи фармонни имзолади. Бу ҳақда РИА Новости хабар бермоқда.
Фармон «Россия Федерациясининг молиявий барқарорлигини таъминлаш бўйича қўшимча вақтинчалик иқтисодий чора-тадбирлар тўғрисида» дея номланган.
Кремл матбуот хизмати баёнотига кўра, 10 минг АҚШ доллари эквивалентидан ортиқ ва Марказий банкнинг расмий курси бўйича ҳисобланган нақд хорижий валютани мамлакатдан олиб чиқиш тақиқланади.
Аввалроқ, АҚШ президенти Жо Байден Россия самолётлари АҚШга қўйилмаслигини маълум қилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter