«DBS Designing» дизайнерлар гуруҳи «Samsung Galayx Note9» ҳақида тарқалган сўнгги миш-мишларга асосланиб, ҳали эълон қилинмаган флагманнинг концептини яратди. Тахминларга кўра Жанубий Кореянинг ушбу компанияси дисплей атрофидаги ҳошияни янада кичрайтиради, деб хабар берди «4PDA».

Бундан ташқари «Galaxy Note9»га бармоқ изи сканери экран остига ўрнатилиши ҳам мумкин.

Видеода тақдим этилган «Galaxy Note9» концепти умуман олганда «Galaxy Note8»га ўхшаб кетади, унга «Galaxy 9 Plus»даги каби иккиталик асосий камера ўрнатилган. Янги флагманнинг ўзига хос жиҳати — экран остига ўрнатилган бармоқ изи сканери. Сўнгги миш-мишларга қараганда, ушбу технологияни амалга тадбиқ этиш учун «Samsung Displey»да ҳозирда уч ёки тўртта вариант мавжуд.

Техник тавсифларига келадиган бўлсак, «Galaxy Note9»дан бирор-бир сюрприз кутмаслик лозим. Дастлаб тарқалган хабарларда унга «Snapdragon 845» процессори ва 6 гигабайт ички хотира ўрнатилиши айтилган эди. Смартфон «Android 8.1Oreo» операцион тизимига ишлайди.

«Galaxy Note9»нинг тақдимоти август ойига мўлжалланган.