31 октябр куни Шанхайдаги Диснейлендда ташриф буюрганлардан бирида коронавирус аниқланганлиги сабабли 33 минг киши мажбурий ушлаб турилди. Бу ҳақда Wall Street Journal маълум қилди.

Боғнинг исми ошкор этилмаган меҳмони ташрифдан сўнг топширган тести салбий натижа кўрсатган.

Маъмурият бу ҳақда маълумотга эга бўлгач, полициячилар иштирокида боғга кириш ва чиқиш бутунлай ёпиб қўйилган. Ҳудудни тарк этиш учун меҳмонларнинг ҳар бири синовдан ўтиши, процедурани 24 соат давомида такрорлаши ва 12 кун давомида карантинга риоя қилиб, шифокор назорати остида бўлиши керак эди.

Барча ташриф буюрганларнинг тест натижалари ижобий чиққан, бироқ парк 1 ва 2 ноябр кунлари ёпиқ қолади. Диснейленд ҳудудида ва энг яқин метро бекатида касалликни текшириш пунктлари иш олиб бормоқда.

Бундай қаттиқ чоралар Хитойнинг коронавирусга нисбатан қаттиқ сиёсатининг намоёнидир. Wall Street Journal нашрининг хабар беришича, хитойлик ижтимоий тармоқ фойдаланувчиларининг мутлақ кўпчилиги расмийлар ва боғ маъмуриятининг ҳаракатларини маъқуллаган.