Шавкат Мирзиёев Гуандун музофотига борди
Пекин шаҳридаги тадбирлар дастури якунлангач, Ўзбекистон Республикаси Президенти Шавкат Мирзиёев рафиқаси билан бирга Шэньчжэнь шаҳрига келди.
Аэропортда олий мартабали меҳмонни Гуандун музофотининг расмий шахслари кутиб олди.
Эртага, 25 январь куни давлатимиз раҳбари Ўзбекистон-Хитой инвестиция форумида иштирок этади, ХХР етакчи компаниялари ва молиявий тузилмалари раҳбарлари билан учрашувлар ўтказади.
Шэньчжэнь – Хитойнинг аҳоли сони бўйича учинчи шаҳри ҳамда Гуандун музофотидаги махсус иқтисодий ҳудуддир. Технологиялар, тадқиқотлар, ишлаб чиқариш, бизнес ва иқтисодиёт, туризм ва транспорт борасида глобал марказлардан бири, контейнерли юклар билан ишлаш қуввати бўйича дунёдаги тўртинчи денгиз портидир.
Эслатиб ўтамиз, аввалроқ президент ХХР раиси билан музокалар ўтказган ва қўшма баёнот имзолаганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter