Тошкентда 20 минг долларни ўғирлаган эркак 15 йилга озодликдан маҳрум этилиши мумкин
Тошкент шаҳрининг Сергели туманида ўғрилик содир этган шахс ушланди. Бу ҳақда пойтахт ИИБ матбуот хизмати хабар берди.
Қайд этилишича, 1 январь куни жабрланувчи ҳуқуқни муҳофаза қилувчи органларга мурожаат қилган. Унинг айтишича, номаълум шахс унинг хонадонига кирган. Уйдан 20 минг АҚШ доллари, 8 миллион сўмдан ортиқ пул ва заргарлик буюмлари йўқолган.
Ҳуқуқ-тартибот идоралари ходимлари далилларни ўрганиб, гумондорнинг олдига боришди, у тез орада қўлга олинди. Ходимлар пул ва бошқа аксессуарларни олиб қўйишган.
Мазкур ҳолат юзасидан Жиноят кодексининг 169-моддаси 4-қисми (ўғирлик) билан жиноят иши қўзғатилиб, тергов ҳаракатлари олиб борилмоқда. Эркак 15 йилгача қамоқ жазосига ҳукм қилиниши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter