Трамп АҚШнинг Эронга сўнгги ҳужуми қанчага тушганини айтди
11 июн кечаси АҚШ ҳарбийлари Эрон нишонларига катта зарба берди. АҚШ президенти Доналд Трамп Fox News телеканалига берган интервьюсида ишлатилган ўқ-дориларнинг нархи 250 миллион долларни ташкил этганини айтди.
«Биз кеча уларга 250 миллион долларлик бомба ташладик. Бу ақл бовар қилмайдиган жараён», деди Трамп. Ҳужумлар бошланганидан кўп ўтмай, у 49 та Tomohawk ракеталаридан фойдаланилганини тилга олди.
Фойдаланилган ўқ-дорилар ҳақида бошқа тафсилотлар мавжуд эмас.
АҚШ Марказий қўмондонлиги (CENTCOM) баёнотига кўра, зарбалар Эрон разведка, алоқа ва ҳаво мудофааси тизимларига қаратилган эди. Эрон ҳарбий штаб-квартираси Яқин Шарқдаги 18 та АҚШ нишонига ҳужум қилиб, Ҳўрмуз бўғозини тўлиқ блокада қилганини эълон қилди.
Ҳужум тугаганидан бир неча соат ўтгач, Доналд Трамп ҳужумлар давом этиши мумкинлигини айтди. Бундан ташқари, АҚШ тез орада Харг оролини ва Эроннинг бошқа муҳим нефт инфратузилмасини эгаллаб олиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter