Трамп ҳусийларга яна бир имконият берди
АҚШ президенти Доналд Трамп сўнгги паллада фикрини ўзгартириб, Ямандаги ҳусийларга зарба бермасликка қарор қилди, деб ёзмоқда NYT.
Саудия Арабистони валиаҳд шаҳзодаси Муҳаммад бин Салмоннинг чорловидан сўнг, Трамп Пентагонга авиазарбаларга ҳозирлик кўришни буюрган эди. Бироқ якшанба куни у ҳужумни бекор қилди.
Трамп атрофидаги кўпчилик, айниқса, Эрон билан урушда Пентагон дуч келаётган муаммолар туфайли, Саудия Арабистонининг ҳусийларга қарши курашдаги иштирокига ишончсизлик билдираётган ёки бунга очиқчасига қарши чиқишаётганди.
Трамп операцияни бекор қилган пайтда зарба беришга ҳамма нарса тайёр бўлганди: нишонлар рўйхати тасдиқланган, бомбалар Америка ҳарбий самолётларига юкланаётган эди, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter