Владимир Зеленский Трампда алами борлигига иқрор бўлди
Украина президенти Владимир Зеленский АҚШнинг собиқ президенти Доналда Трампда алами борлигига иқрор бўлди.
Зеленский билан суҳбатда «Axios» нашри журналисти шундай савол берди: «Президент Трампдан жаҳлингиз чиққанини кўриб турибман. Балки салгинадир».
«Салгина», — дея жавоб берганидан сўнг Зеленский кулиб юборган. Ушбу суҳбат анонси нашрнинг «Twitter» саҳифасида эълон қилинган.
Нима сабабдан Оқ уйнинг собиқ хўжайинидан аламзадалиги сабабини Зеленский изоҳламаган.
Гап-сўзларга қараганда, Доналд Трамп президентлик чоғида Украинада бизнеси борлиги аниқланган демократ Жо Байден ва унинг ўғли Хантерга қарши коррупция иши очишни Зеленскийдан талаб қилган, акс ҳолда Украинага ҳарбий мададни тўхтатиш билан пўписа қилган экан.
Нима бўлганда ҳам, Трамп кетди — Байден келди. Узоқни кўра билиш, айниқса, катта сиёсатда жуда муҳим.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter