Хитой эпидемияни атайлаб тарқатиш учун сайёҳлардан фойдаланган — Трампнинг маслаҳатчиси
АҚШ президенти Доналд Трампнинг иқтисодий масалалар бўйича маслаҳатчиси Питер Наварро Хитойни коронавирусни атайлаб тарқатишда айблаб чиқди. Унинг таъкидлашича, бунинг учун хитойлик сайёҳлардан фойдаланилган.
«Уханда илк бемор ноябр ойида пайдо бўлди. Хитой эса жаҳон соғлиқни сақлаш ташкилоти кўмагида икки ой давомида бу вирусни бутун дунёдан яшириб келди. Кейин эса касалликни тарқатиш учун юз минглаб хитойликларни самолётларда Милан, Нью-Йорк ва бутун дунё бўйлаб жўнатди», — дея баёнот берган Наварро.
Унинг айтишича, Хитой вирусни Ухандан чиқармаёқ бартараф этиши мумкин эди. Эслатиб ўтамиз, бунга қадар Трамп ҳам бир неча бор Хитой ҳақида кескин фикр билдирганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter