Россия Федерациясининг Санкт-Петербург шаҳри, Невский тумани, Ольги Беггольц кўчасидаги кўп қаватли уйлардан бирининг ертўласидан 32 ёшли аёл жасади топилди. Қотиллик Вобкент тумани, «Бозоржўйи» МФЙ, Чорбоғинав қишлоғилик 25 ёшли эркак томонидан содир этилгани аниқланди. Бу ҳақда «Xabar.uz»га маълум қилган Бухоро вилоят суди ахборот хизмати раҳбари Феруз Шароповга кўра, айбдор Ўзбекистон Республикаси Жиноят кодекси 97-моддаси (қасддан одам ўлдириш), 1-қисми билан 11 йил озодликдан маҳрум қилинган.
 
Жиноят ишлари бўйича Вобкент тумани суд ҳужжатларида қайд этилишича, 25 ёшли эркак М.А. 2022 йилдан буён 2 нафар қизи билан турмушидан ажралган 32 ёшли аёл М.Р. билан ишқий муносабатда  бўлиб келган. Орадан кўп вақт ўтмай, М.А. ишлаш учун Россия Федерациясининг Россия Федерациясининг Санкт-Петербург шаҳрига ишга жўнаб кетган. Турмуш ташвишларини тортишда қийналган М.Р. ҳам М.А.га қўнғироқ қилиб, унинг ёнига жўнаб кетаётганини билдирган. М.А. аёлнинг таклифига рози бўлиб, Невский тумани, Седова кўчасидаги кўп қаватли уйлардан бирида яшаётганини ва шу манзилга етиб келишини сўраган. Улар ушбу манзилда салкам 20 кунча бирга яшашганидан сўнг ўрталарида ўзаро келишмовчилик чиққа н. Аёл Москвага ишга жўнаб кетишини айтиб, уйдан чиқиб кетган. Бироқ, орадан бир неча ойча ўтгач, у яна М.А. яшаб келаётган ижара уйга қайтиб келган. Ўрталарида тез-тез тортишув, жанжал бўлиб турган. Аёлнинг ўринсиз рашки, М.А.га «қишлоқдаги хотининг билан ажрашасан!» дея қўйган талаблари эркакнинг тинчини бузган.
 
«Икки йилдан буён сен билан тортишишданчарчадим. Уйда ўтирибсан, сен учун яшаш ва иш шароитингниям яратиб берган бўлсам, оилавий ишларимга аралашма!»-деган эркакка қўшиб, унинг аёли ва фарзандларини ножўя сўзлар билан ҳақоратлаган.
 
Ҳақорат аламидан қизариб-бўзарган М.А. биргаликда яшаб келаётган машъуқаси М.Р.га куч ишлатиб, уриб тепиб йиқитган. Аёлнинг оғиз ва бурун, яъни нафас олиш органларини ёстиқ билан ёпиб, уни қасддан ўлдирган. Содир этган жиноятини яшариш мақсадида М.Р.нинг жасадини яхлитлигича бир дона чемоданга буклаган ҳолатда солган. Ўзи яшаб келаётган ижара уйга яқин бўлган Ольги Беггольц кўчасидаги кўп қаватли уйлардан бирининг ер тўласига тахминан икки метрчачуқурлик қазиб, у чуқурликка чемадон билан бирга М.Р.нинг жасадини кўмган.
 
Айни жасадни кўмиб, ертўладан чиққан вақтда М.Р.нинг телефонидаги «Whats up» мобил иловасиорқали уни сўраб ёзган яқинларига: “Мен бошқа шаҳарга кетяпман, телефоним ишламайди, мандан хавотир олманглар, 10 кунларда ўзим алоқага чиқаман” дея смс ёзиб қолдирган. Ва вақтни ўтказмай, онлайн тарзда Ўзбекистонга жўнаб кетадиган самолётга билет олган. Шундан сўнгсамолёт жўнаб кетар вақтда эркак ўз машъуқасига тегишли телефонни ўчириб, аэропорт ташқарисидаги ахлат идишига ташлаб юборган. Сўнг самолётга чиқиб, Ўзбекистонга учган. Шу куни соат 17:00 ларда Бухорога келган. Салкам 10 кун давомида уни бирор киши безовта қилмаган. 11-куни ҳудуд профилактика инспектори М.А.ни хизмат хонасига чақирган ва М.Р. билан ишқий муносабати борлигидан аёлнинг оиласи ҳам хабардорлиги, унинг қаерда ва қандай ҳолатда эканлигини сўраган. М.А. эса ҳеч қандай ёлғон важлари ўтмаслигини англаб, биринчи тергов жараёнидаёқ қилмишини тан олган.
 
Бу борада Бухоро вилояти Ички ишлар органлари томонидан Россия Федерацияси ички ишлар вазирлиги билан олиб борилган тергов ҳаракатлари давомида М.А.нинг жинояти ўз тасдиғини топган. Ўрганув давомида М.А. илгари аёл билан Ўзбекистонда ҳам  ишқий муносабатга киришиб юрган вақтларида М.Р.нинг номига 50 миллион миқдорида банк кредит маблағларини ҳам олгани фош этилган.
 
«Тўрт йил давомида Россия Федерациясида ноқонуний равишда яшаб келаётгани машъуқасининг қотилиги айланган М.А.га нисбатан Жиноят ишлари бўйича Вобкент тумани суди ҳукми билан 11 йил қамоқ жазоси қўлланилди. Тайинланган жазони умумий тартибли колонияларда ўташи белгиланди»,-деди Феруз Шаропов.