Залужний: Украина уруши 2034 йилгача давом этиши мумкин
Украинадаги ҳарбий можаро 2034 йилгача чўзилиши мумкин. Бундай прогнозни Украина Қуролли кучларининг собиқ бош қўмондони, айни дамда Лондондаги элчиси Валерий Залужний “Левый берег” нашрининг Youtube каналига берган интервьюсида айтиб ўтди.
Унинг қайд этишича, Украинадаги можаро янги босқичга ўтган. Залужнийга кўра, агар Киев келажак учун мудофаани шакллантирмасдан, фақат ўт очишни тўхтатишга интилса, Россия Федерацияси билан тўқнашув йилларга чўзилиши мумкин.
"2014 йилда бошланган бўлса, Худо кўрсатмасин, 2034 йилда тугайди", деди Залужний.
Унинг қўшимча қилишича, на Украинада, на Россияда бундай уруш учун етарли одам йўқ.
Эслатиб ўтамиз, Залужний 2024 йил қишида лавозимдан олинган ва Британияга элчи сифатида жўнатилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter