Андроид қурилмалар учун Xabar.uz мобил иловаси. Юклаб олиш ×

Денис Истомин Испаниядаги турнир саралаш босқичининг финалига чиқди

Денис Истомин Испаниядаги турнир саралаш босқичининг финалига чиқди

Ҳамюртимиз Денис Истомин Испанияда соврин жамғармаси 67 960 еврони ташкил қилувчи ATP Segovia Challenger турнирида иштирок этмоқда. Ўзбекистонлик теннисчи ўз иштирокини саралаш баҳсларидан бошлади.

24 июл куни Истомин саралашнинг 1/2 финалида бразилиялик Уилсон Лейтега қарши кортга чиқди. Икки соату 52 дақиқа давом этган қийин баҳсда Денис рақибини 5/7, 7/5, 7/5 ҳисобида мағлуб этди. Истомин 15та эйс амалга оширган бўлса, Леите фақат бир марта бунга муваффақ бўлди.

Айни пайтда теннисчимиз ATP рейтингида 449, Уилсон эса 499-ўринни эгаллаб турибди. Бугун Денис асосий тўр учун сўнгги саралаш баҳсида германиялик Элмар Эжуповичга қарши майдонга тушади.

ATP рейтингида 386-ўринни эгаллаб турган германиялик теннисчи саралаш босқичи ярим финалида бразилиялик Томас Беллуччини 6/7(8), 7/6(5), 7/6(5) ҳисобида мағлуб этди.

Денис Истомин - Элмар Эжупович учрашуви Тошкент вақти билан соат 17:00да бошланиши кутилмоқда.

Денисга омад ва бундан кейин ҳам яхши натижалар тилаб қоламиз!

Маълумот учун: «Ўзмиллийбанк» АЖ 2020 йилдан буён Ўзбекистон теннис федерациясининг бош ҳомийси бўлиб, ушбу спорт турини ривожлантиришга катта ҳисса қўшиб келмоқда. «Ўзмиллийбанк» ҳомийлигида теннисчиларимиз тобора кўпроқ ғалаба қозонишга ёрдам берадиган ишончли қўллаб-қувватлашга эга бўлмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг