Бугундан кучли бешлик чемпионатларининг барчасида навбатдаги тур ўйинларига старт берилади. Асосий ва марказий ўйинлар эса шанба-якшанба кунларига белгиланган. Қуйида 5 та чемпионатдаги футбол баҳслари ҳақида гаплашамиз.

Англия: Стивен Жеррард «Энфилд»га қайтмоқда

Англия премьер лигасининг 16-тур учрашувлари «Брентфорд» - «Уотфорд» учрашуви билан бугун бошланади. Эртага эса Жеррард бошқараётган «Астон Вилла» Ливерпулда меҳмон бўлади. Жеррардга «Энфилд» бегона эмаслигини футбол мухлислари яхши билади. Айрим башоратчиларга кўра, келажакда айнан Клопнинг ўрнини Жеррард эгаллаши ҳам мумкин. Шунинг учун бу ўйин жуда муҳим.

АПЛ, 16-тур

10 декабр

Брентфорд - Уотфорд

11 декабр

Манчестер Сити - Вулверхэмптон
Арсенал - Саутгемптон
Ливерпуль - Астон Вилла
Челси - Лидс
Норвич - Манчестер Юнайтед

12 декабр

Бернли - Вест Хэм
Лестер - Ньюкасл
Кристал Пэлас - Эвертон

Брайтон - Тоттенхэм ўйини коронавирус сабабли номаълум муддатга қолдирилган.

Испания: «Сантяго Бернабеу»да Мадрид дербиси

«Барселона» Мюнхенда йирик ҳисобда енгилгач, юришини Европа лигасида давом эттиради. Хави жамоани анча қийин вазиятда қабул қилиб олди, шунинг учун раҳбарият билан учрашиб, қолувчи ва кетувчиларни аниқлаштириб олмоқчи. 17-тур доирасида каталонияликлар «Осасуна» меҳмони бўлишади.

Турнинг марказий учрашуви Мадрид дербисидир. «Сантяго Бернабеу»да «Атлетико» меҳмон бўлади. Мезбонлар Диего Симеоне шогирдларидан 10 очкога олдинлаб кетган бўлишига қарамай, бу ўйин ҳамиша қизиқиш билан кутиб олинади.

Ла-лига, 17-тур

10 декабр

Мальорка - Сельта

11 декабр

Эспаньол - Леванте
Алавес - Хетафе
Валенсия - Элче
Атлетик - Севиля
Вилярреал - Райо Вальекано
Осасуна - Барселона

12 декабр

Бетис - Реал Сосьедад
Реал Мадрид - Атлетико

13 декабр

Кадис - Гранада

Германия: «Боруссия» «Бавария»ни қувиб келяпти

Бундеслиганинг 15-тур ўйинлари ҳам бугундан бошланади. Чемпионлар лигасида ишончли ғалаба қозонган мюнхенликлар ўз уйида «Майнц»ни хотиржам қабул қилади. Энг яқин таъқибчиси «Боруссия»ни эса ўтган турда мағлуб этишган. Дортмунднинг «Боруссия»си эса Бохумга сафар қилади ва чемпионларни қувишда давом этади.

Бундеслига, 15-тур

10 декабр

Кёлн - Аугсбург

11 декабр

Бавария - Майнц
Бохум - Боруссия Д
Герта - Арминия
Лейпциг - Боруссия М
Фрайбург - Хоффенхайм
Волфсбург - Штутгарт

12 декабр

Гройтер Фюрт - Унион Берлин
Айнтрахт Ф - Байер

Италия: «Милан» етакчиликда қоладими?

Андрей Шевченко жамоасининг бугунги ўйини билан бошланадиган 17-турда мусобақа пешқадами «Милан» сафарда «Удинезе» меҳмони бўлади. Унинг ортидан изма-из келаётган «Интер» ва «Наполи» ҳам миланликлар каби ўртамиёна жамоаларга қарши ўйнайди. Ҳатто «Интер» рақиби аутсайдер «Каляри». Шомуродов ўйнайдиган «Рома» эса душанба куни «Специя»ни қабул қилади.

А серия, 17-тур

10 декабр

Женоа - Сампдория

11 декабр

Фиорентина - Салернитана
Венеция - Ювентус
Удинезе - Милан

12 декабр

Торино - Болоня
Верона - Аталанта
Наполи - Эмполи
Сассуоло - Лацио
Интер - Каляри

13 декабр

Рома - Специя

Франция: «ПСЖ» бу гал «Монако»ни енга оладими?

Сўнгги турларда ўйини чиқмаётганига қарамай, «ПСЖ» мусобақа жадвалида анча илгарилаб кетган. Аммо парижликларнинг «Монако»га қарши ўйини ҳар доим ўзгача қизиқиш билан кутиб олинади. Ажабланарлиси, таркибида юлдуз футболчилари бор «ПСЖ»ни монаколиклар сўнгги икки ўйинда мағлубиятга учрата олган.

1-лига, 18-тур

10 декабр

Нант - Ланс

11 декабр

Брест - Монпелье
Реймс - Сент-Этьен

12 декабр

Лилл - Лион
Анже - Клермон
Мец - Лорян
Ренн - Ницца
Труа - Бордо
Страсбур - Марсел
ПСЖ - Монако