AnTuTu бенчмарки бир нечта қиймат тоифасида нарх ва самарадорлик бўйича Android-смартфонларнинг март ойи рейтингини тузди.

999 юан (137 доллар)гача. Бу тоифада Unisoc T760 чипи ўрнатилган Nubia Mavericks етакчи бўлди. Кейинги ўринларда — Vivo Y200t ва Oppo Z9x (ҳар иккиси Snapdragon 6 Gen 1 процессорида ишлайди).

1999 юан (275 доллар)гача. Realme Neo 7, iQOO Z9 Turbo+ ҳамда Realme GT6 ушбу йўналишда энг яхши смартфонлар деб топилди. Дастлабки икки смартфон ўтган йилги MediaTek Dimensity 9300+ флагман процессорида ишлайди, Realme GT6 эса энг сўнгги Snapdragon 8 Gen 3 чипи билан таъминланган.

2999 юан (410 доллар)гача. Бу тоифани энг яхши Snapdragon 8 Elite процессорида ишловчи камдан-кам ҳамёнбоп смартфонлардан бири Realme GT7 Pro Racing бошқармоқда. Иккинчи ва учинчи ўринлар iQOO Neo10 Pro (MediaTek Dimensity 9400) ва iQOO Neo10 (Snapdragon 8 Gen 3) ўртасида тақсимланди.

3999 юан (550 доллар)гача смартфонлар орасида энг яхшиси — Realme GT7 Pro, унинг таъқибчилари — Redmi K80 Pro ва OnePlus 13. Ҳар уч модел Snapdragon 8 Elite процессорида ишлайди.

3999 юан (550 доллар)дан юқори нархли смартфонлар рейтингида Red Magic 10 Pro, Honor Magic7 ва Xiaomi 15 флагманлари етакчилар деб топилди. Улар ҳам Snapdragon 8 Elite процессорлари билан таъминланган.