«Beeline» компанияси «Учинчи авлод-2018» ташқи ўқув дастури ишга туширилгани ҳақида маълум қилди ва барча қизиқувчи талабаларни 20 апрель куни соат 14:30да «Ground Zero»да дастур намойиши учун таклиф этди.

Бу йил «Учинчи авлод» дастури доирасида амалиётчилар учун компаниянинг Тошкент, Шарқий ва Жанубий ҳудудий филиалларида амалиёт ўташ имконияти очилади: амалиёт дастурида Тошкент, Наманган ва Қарши шаҳарларидан талабалар иштирок этишлари мумкин.

Дастурнинг бу йилги 10-мавсумида энг кўп иштирокчилар қабул қилинади: жами 27 нафар талаба компаниянинг қатор бўлимларида амалиёт ўташ имкониятга эга бўлишади. Бу бўлимлар:

• тижорат дирекцияси (оммавий бозорда савдолар дирекцияси, корпоратив савдони ривожлантириш дирекцияси, маркетинг дирекцияси);
• ахборот технологиялари дирекцияси;
• техник дирекцияси;
• администрация дирекцияси;
• ООО «BeeLab»;
• digital-технологиялар дирекцияси;
• мижозларга хизмат кўрсатиш дирекцияси;
• юридик хизмати;
• савдо ва хизмат кўрсатиш бўлими (Наманган ш.);
• тармоқни ривожлантириш бўлими (Қарши ш.).

Сўров ва резюмелар яхши академик натижаларга эга бўлган III ва IV курс талабаларидан graduate@beeline.uz электрон манзили бўйича қабул қилинади.

Амалиёт натижалари бўйича энг муваффақиятли талабаларга олийгоҳдаги ўқиш билан келиштирилган ҳолда индивидуал иш тартиби, келажакда эса — «Beeline»да доимий иш ўрни таклиф қилинади. «Учинчи авлод» доирасида амалиёт ўташ 2018 йилнинг июнь-август ойларига режалаштирилган.