Ikki nafar muhtojni aldagan mahalla raisiga jinoyat ishi qo‘zg‘atildi
Yana bir mahalla raisiga nisbatan jinoyat ishi qo‘zg‘atildi. Bu haqda «Xabar.uz»ga Bosh prokuratura matbuot xizmati ma’lum qildi.
Unga ko‘ra, Nurota tumanidagi «A» MFY raisi D.X. boshpanasi bo‘lmagan va ehtiyojmand ikkitaga oilaga uy-joy sotib olish uchun budjetdan ajratilgan mablag‘lardan 28,5 mln. so‘mini qo‘lga kiritadi. Uy-joyini ta’mirlatib berish va’dasi bilan olingan pullarni esa oqsoqol o‘z ehtiyoji uchun sarflab yuboradi.
Tergovga qadar tekshiruv davomida mahalla raisi qilgan ishidan pushaymonlik bildirib, yetkazilgan zararning 19 mln. so‘mini o‘z ixtiyori bilan qaytargan. Biroq bu – masala hal bo‘ldi degani emas. Holat bo‘yicha firibgarlik alomatlari bo‘yicha jinoyat ishi qo‘zg‘atilgan. Tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter