Joriy yilning 29-oktyabrida O‘zbekiston Respublikasi Mehnat kodeksi yangi tahrirda qabul qilingandi.

Unga ko‘ra, endilikda quyidagi holatlarda xodimni ishdan bo‘shatish ta’qiqlanadi:

• xodimning vaqtincha mehnatga qobiliyatsizlik davrlarida, mehnat to‘g‘risidagi qonunchilikda, mehnat haqidagi huquqiy hujjatlarda va mehnat shartnomasida nazarda tutilgan ta’tillarda bo‘lganda;
• davlat yoki jamoat majburiyatlarini bajarganligi munosabati bilan ishdan ozod etilganda;
• xizmat safarida bo‘lgan davrda;
• kodeksdagi homilador ayollar va oilaviy majburiyatlarini bajarish bilan band bo‘lgan shaxslar uchun kafolatlarni nazarda tutadigan talablarini hisobga olmay ish beruvchining tashabbusiga ko‘ra bekor qilish (408 va 409-moddalar);
• ushbu Kodeksda yoki boshqa qonunlarda nazarda tutilmagan asoslar;
• Kodeksda belgilangan mehnat va mashg‘ulotlar sohasida kamsitishni taqiqlash talabini buzish;

Shuningdek, xodim boshqa ish beruvchiga vaqtincha xizmat safariga yuborilgan davrda avvalgi ish joyi bo‘yicha tuzilgan mehnat shartnomasini bekor qilish taqiqlanadi.

Eslatib o‘tamiz, yangi tahrirdagi Mehnat kodeksi 2023-yilning 30-aprelidan kuchga kiradi.