Buyuk Britaniyaning uchta yetakchi suv operatori — South East Water, Southern Water va South West Water — xususiy maktablar va avtomobil yuvish joylaridan tortib golf klublarigacha bo‘lgan turli biznes va xizmatlarda suv ta’minotini cheklashga chaqirdilar.

The Guardian nashrining xabar berishicha, sentyabr oyining oxiri va oktyabr boshidan beri Angliya va Uelsning o‘n bitta hududida qurg‘oqchilik sharoitlari e’lon qilindi. Yer osti suvlari sathi pasaymoqda. Suv omborlari sathi hozirda yilning shu davridagi o‘rtacha ko‘rsatkichdan 20-50% past.

Angliya va Uelsdagi 19 ta suv ombori hozirda 50 foizdan kam to‘lgan.

​Natijada, South East Water, Southern Water va South West Water mahalliy hokimiyat organlariga murojaat qilib, qurg‘oqchilikdan eng ko‘p zarar ko‘rgan hududlarda zarur bo‘lmagan maqsadlar uchun suvdan foydalanishni cheklashni taklif qilishdi.

Ularning ta’kidlashicha, masalan avtomobil yuvish joylaridagi yuqori bosimli tozalagichlar daqiqasiga 25 litrgacha suv iste’mol qilishi mumkin.

​Bunday choralar Atrof-muhit, oziq-ovqat va qishloq ishlari departamenti (DEFRA) tomonidan tasdiqlanishi kerak. Hukumat hali suv kompaniyalarining so‘rovlariga javob bermadi. Met idorasining ma’lumotlariga ko‘ra, barcha zarar ko‘rgan hududlar qurg‘oqchilikdan xalos bo‘lishi uchun ketma-ket yetti oy davomida o‘rtacha ko‘rsatkichdan yuqori yog‘ingarchilik bo‘lishi kerak.

Biroq, Angliyada sentyabr oyida oylik yog‘ingarchilikning atigi 65% qismi yog‘di, eng katta tanqislik mamlakatning sharqiy va janubiy mintaqalarida kuzatildi.