Bugun O‘zbekiston bo‘ylab beqaror ob-havo kuzatiladi
Bugun kunduz kuni O‘zbekiston bo‘yicha ba’zi joylarda biroz yomg‘ir yog‘adi, Qoraqalpog‘iston Respublikasida ba’zi joylarda biroz qor yog‘adi. Xorazm, Buxoro, Navoiy viloyatlarida yog‘ingarchilik kutilmaydi.
Ba’zi joylarga tuman tushishi mumkin. Shamol 7-12 m/s tezlikda esadi, ba’zi joylarda 15-20 m/s gacha kuchayishi mumkin. Harorat 4-9° iliq bo‘ladi.
Poytaxtimizda kunning ikkinchi yarmida biroz yomg‘ir yog‘adi. Shamol 7-12 m/s tezlikda esadi. Harorat 7-9° iliq bo‘ladi.
Tog‘ oldi va tog‘li hududlarida vaqti-vaqti bilan yog‘ingarchilik (yomg‘ir, qor) bo‘ladi. Sel-suv toshqin hodisalari yuzaga kelishi mumkin. Qor ko‘chishi xavfi bor. Ba’zi joylarga tuman tushadi. Shamol 7-12 m/s tezlikda esadi. Harorat 2° sovuq-3° iliq bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter