Qatar poytaxti Dohada O‘zbekiston terma jamoasi Iordaniyaga qarshi o‘rtoqlik uchrashuvini o‘tkazdi.

Milliy jamoaga bosh murabbiy bo‘lib qaytgan Temur Kapadze bu o‘yinda Superliganing qator futbolchilarini sinab ko‘rdi. Dilshod Komilov, G‘olib G‘aybullayev, Anvarjon Hojimirzayev, Jahongir Abdusalomov singari o‘yinchilar terma jamoada debyut qilishdi.

Golli vaziyatlar ko‘p bo‘lmagan o‘yinga shunga mos 0:0 hisobida nuqta qo‘yildi.

Eslatib o‘tamiz, O‘zbekiston milliy jamoasining JCh-2026 saralash bosqichidagi navbatdagi rasmiy o‘yini 20 mart kuni Qirg‘izistonga qarshi o‘tadi.

O‘rtoqlik o‘yini. 27-yanvar. Doha

O‘zbekiston – Iordaniya – 0:0

O‘zbekiston: 12. Abduvohid Ne’matov (16. Botirali Ergashev, 46), 19. Dilshod Komilov (5. Islom Qobilov, 81), 4. Farrux Sayfiyev (13. Sherzod Nasrullayev, 70), 6. G‘olib G‘aybullayev, 8. Oybek Bozorov (23. Anvar Hojimirzayev, 46, Jahongir Abdusalomov, 81), 9. Odil Hamrobekov (18. Asadbek Rahimjonov, 62), 10. Jamshid Iskanderov (22. Avazbek O‘lmasaliyev, 70), 14. Zafarmurod Abdurahmatov (3. Saidazamat Mirsaidov, 46), 15. Umarbek Eshmurodov, 17. Bobur Abduholiqov (20. Jasur Yaxshiboyev, 62), 21. Azizbek Amonov (7. Ruslan Jiyanov, 46).

Iordaniya: 22. Abdulla al-Faxuri, 4. Hossam Abu Daab, 6. Yusuf Abu al-Jazar, 19. Saad al-Rusan (3. Abdulla Nasib, 46), 17. Uord al-Barri, 8. Xolid Zakariya, 16. Amir Jamus (15. Aun al-Maharma, 78), 23. Ehson Haddod (18. Ahmad Assaf, 46), 10. Muhammad an-Nosir, 14. Ahmad al-Avauda (9. Bakir Kalbuna, 72), 20. Muhammad al-Akash (7. Ahmad al-Arsan, 46).