Robert Fitsoning ahvoli haqida ma’lumot berildi
![Robert Fitsoning ahvoli haqida ma’lumot berildi](http://static.xabar.uz/crop/4/8/720_460_95_487776536.png)
Slovakiya mudofaa vaziri Robert Kalinyak chorshanba kuni suiqasd uyushtirilgan mamlakat bosh vaziri Robert Fitsoning ahvoli haqida ma’lumot berdi.
Kalinyakning so‘zlariga ko‘ra, shifokorlar Fitsoning ahvolini barqarorlashtirish uchun hamma narsani qilishmoqda.
«Afsuski, uning ahvoli og‘ir, chunki to‘rtta o‘qdan olgan jarohat juda jiddiy», — dedi Kalinyak.
Chorshanba kuni kechqurun 59 yoshli Fitso uch soatdan ortiq jarrohlik amaliyotida bo‘lgani va shifokorlar uning hayoti uchun kurashayotgani haqida xabar berilgan edi.
Robert Fitsoga suiqasd chorshanba kuni tushdan keyin Gandlova shahrida sodir bo‘ldi. Bosh vazir mahalliy aholining oldiga kelganida, noma’lum erkak unga bir necha marta o‘q uzgan.
Hodisa joyida suiqasd uyushtirgan shaxs qo‘lga olingan. U 71 yoshli yozuvchi va siyosiy faol bo‘lib chiqdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter